«Қазгидромет» РМК 28 ақпанға арналған ауа райы болжамын ұсынды, деп хабарлайды Egemen.kz.
Синоптиктердің мәліметінше, бүгін еліміздің басым бөлігі ауқымды антициклон ықпалында болғандықтан, жауын-шашын жаумайды. Тек Қазақстанның батысы мен солтүстігіне Атлантика циклоны ықпал етеді. Осыған байланысты жауын-шашын (жаңбыр, қар) жауып, көктайғақ болады.
Елдің солтүстігінде бұрқасын күтіледі. Қазақстан бойынша тұман түседі, жел күшейеді.