Энн Элизабет Ходжес - метеориттен аман қалған жалғыз адам, деп хабарлайды Egemen.kz.
Жер бетіне метеориттің құлауы өте сирек кездесетін жайт. Сондай катаклизмдердің салдарынан адам шығыны да болған. Таңғажайып адамға метеорит түсіп, оның аман қалғаны бүкіл адамзат тарихында бір-ақ рет тіркелген оқиға. Сол бақытты адам Американың Алабама штатындағы Сулакоганың тұрғыны Энн Элизабет Ходжес болды.
Төтенше жағдай 1954 жылы 30 қарашада кешкі сағат жетілер шамасында болған. Салмағы 3,8 келі болатын астероид Тороның сынығы, Энн мен оның күйеуі тұрған үйдің шатырын тесіп өткен. Үй иесі теледидар алдындағы диванда демалып жатқан кезде метеорит шатырды жарып өтіп, үстел үстінде тұрған радиоқабылдағышқа соғылып, сосын әйелдің бүйіріне тиген. Аспан денесінің фрагменті бөлмеге және ондағы заттарға ауыр зиян келтірді, бірақ жәбірленушінің жолы болып тек үлкен гематомалы жарақат алды. Психологиялық зардаптары бұдан да ауыр болуы мүмкін еді. Бірақ апат кезінде Ходжес ұйықтап жатқан. Қатты соққыдан оянып, не болып жатқанын бірден түсіне қоймаған.
Оның көршілері метеорит құлағанға дейін ауданның жарқыраған жарықпен жарқырағанын және бір заттың қатты дауысы аспанға тарағанын көрді. Соғыстың қызып жатқан шағы болғандықтан, тұрғындар орыстардың зымырандары шабуыл жасап жатыр деп ойлап, тығыла бастаған. Бірақ дүрсілдеген дауыстан кейін тыныштық орнаған кезде, қызығушылық танытқан адамдар не болғанын білу үшін сыртқа шыққан.
Ходжестердің үйінің жанына бір топ адам жиналып, метеоритің құрбаны Эннің дін аман екенін көргенде қатты таңғалған. Осы жағдайдан кейін Ходжестің аты танымал бола бастады.
Метеориттің бөлшегін сатуға көп ұсыныс түсті. Бірақ Энн Ходжес метеоритті Алабама университетінің жаратылыстану тарихы мұражайына сыйға тартты.