Астанада Beeline Arena Ұлттық теннис орталығында ITF World Tennis Tour «BeeTV 40 women's» сериясының турнирінде екі разрядта жартылай финалистер анықталды, деп хабарлайды Egemen.kz.
Жарыстың алғашқы дуэті - қазақстандық Анна Данилина мен Ирина Шиманович (Беларусь) ширек финалда екі сетте Таиландтан келген Луксика Кумхум мен Пеангтарн Плипукті 6:2, 6:1 есебімен жеңді. Енді Қазақстан-Беларусь дуэті Нидерландыдан келген жұп Ясмин Гимбрере мен Бибиана Схоофспен финалға жолдама алу үшін кездеседі.
Матчтардың тікелей көрсетілімін Qazsport және Insport телеарналарынан көруге болады.