Маңғыстауда соңғы жылдары өңірде көп кездеспейтін аң-құс түрлері ара-тұра көзге түсіп, таңғалдырып келеді.
Көктемге салым жадыраңқы күндердің бірінде Маңғыстау облысының тұрғындары даладан сирек кездесетін балборсықты көргендігі туралы бейнехабар әлеуметтік желілерді кезіп кетті. Әлеуметтік желіден көргеніміздей, тұқым түрі аз болғандықтан Қызыл кітапқа енген балборсық айдалада жолаушыларға алдымен айбат шегіп, артынша қашып кетуге тырысады.
Ғалым-мамандардың айтуынша, республика бойынша тек бірнеше түрі бар балборсық елімізде Маңғыстау облысының оңтүстік бөлігі, оңтүстік және оңтүстік-батыс Үстірт аумағын және Қарынжарық ойпатын мекендейді екен.
Тұрғындар арасында «ит аю» деп те аталатын бұл аң түрі өте сирек кездесетіндіктен, алғаш рет көріп таңғалушылар көп.
Маңғыстау облысы