Осыдан біраз бұрын Қазалы ауданындағы Үрмәш Түктібаев ауылының тұрғыны Перуза Бекеннің баспанасы аяқ астынан отқа оранып, бір үйлі жан далада қалған болатын. Ауылдастары қыстың көзі қырауда үйсіз қалғандардың жанынан табылып, көмегін аямады. Олардың қиналған жанға көмек көрсету жайындағы көпшілікке үндеуін көршілес Бекарыстан би және Майдакөл ауылдарының тұрғындары да қолдап, үлестерін қосты. Аз уақыт ішінде баспанаға қажетті қаржы жиналып, жақында Перуза Бекенге үйдің кілті табысталды.
Шараға қатысқан аудан әкімі Мұхтар Оразбаев қиналған жанды қағажу қалдырмай, қамқорлық танытқан ауылдағыларға алғыс айтып, игі бастаманың іске асуына ұйытқы болған Жәниет Өтеген, Балықбай Төреханұлы, Балғазы Аймағанбетұлы, Алмас Үсейінұлы, Ізат Ғабдулла мен Нұрсұлтан Оңталапұлына Алғысхат табыс етті.
Ауылдастарының арқасында жаңа баспаналы болған Перуза Бекен жерлестеріне ризашылығын жеткізді.
Қызылорда