Қазақстандық Елена Рыбакина Индиан-Уэллстегі Мастерс турнирінің ширек финалына шықты, деп хабарлайды Egemen.kz.
АҚШ-та өтіп жатқан турнирдің 1/8 финалында Елена ресейлік Варвара Грачевадан басым түсті.
Бірінші сетте қазақстандық теннисші 6:3 есебімен жеңіске жетті.
Екінші сетте де Рыбакина тоқтап қалмады. Сеттегі алты ойынның бәрінде жеңіске жетті (6:0).
Келесі кездесуде 23 жастағы қазақстандық Чехия өкілі Каролина Мучовамен кездеседі. Ойын 16 наурызда өтеді.