Қазақстандық боксшы Сұлтан Зәуірбек (14-0, 9КО) Англияның Болтон қаласында өткен бокс кешінде өнер көрсетті, деп хабарлайды Egemen.kz Кazproboxing парақшасына сілтеме жасап.
С. Зәуірбек аргентиналық Факундо Арсемен (15-9-2, 7КО) жекпе-жек өткізді. Дода екінші жартылай жеңіл салмақта өтті және сегіз раундқа жоспарланды. Қазақстан боксшысы бесінші раундта қарсыласын техникалық нокаутпен жеңді.
Осылайша, Сұлтан Зәуірбек кәсіпқой бокс мансабында 14-інші жеңісіне қол жеткізді.
Сұлтан Зәуірбек WBO European нұсқасы бойынша екінші жартылай жеңіл салмақтағы чемпион. Белдікті 2021 жылдың шілдесінде жеңіп алған болатын. Сондай-ақ ол WBC-тің жастар арасындағы әлем чемпионы титулын да жеңіп алған.