Дүниежүзілік бокс ұйымы (WBO) нұсқасы бойынша орта салмақта жеңіліс көрмеген қазақстандық әлем чемпионы Жәнібек Әлімханұлы кәсіпқой рингтегі кезекті жекпе-жегін жариялады, деп хабарлайды Egemen.kz.
«Ресми түрде! Чемпион атағын екінші рет қорғап, Қазақстанның намысын асқақтатамыз! Әумин!», деп хабарлады Әлімханұлы өзінің Instagram парақшасында.
Жәнібектің қарсыласы канадалық боксшы Стивен Батлер (32-3-1, 26 КО) болды. Он екі раундқа жоспарланған жекпе-жек 13 мамырда Стоктон қаласындағы (Калифорния, АҚШ) Стоктон аренасында өтеді.