Қазақстандық теннисші, әлемнің 446-ракеткасы Жібек Құламбаева Түркияның Анталья қаласында өткен ITF W15 турнирінің абсолютті чемпионы атанды, деп хабарлайды Egemen.kz.
Жарыстың 1-ракеткасы болып тіркелген қазақстандық теннисші финалда дүниежүзілік рейтингте 622-орында тұрған чехиялық Дениса Хиндовамен бас жүлдені сарапқа салды.
Нәтижесінде, Жібек Құламбаева 6:1, 6:3 есебімен жеңіске жетті.
Айта кетсек, кеше отандасымыз ресейлік Дарья Лодиковамен бірге жұптық сында да үздік нәтиже көрсетті. Осылайша, ол жарыстың абсолютті чемпионы атанды.