Үндістанның бас шаһары – Нью-Делиде өтіп жатқан шахматтан Гран-при жарысының үшінші кезеңі өз мәресіне таяп келеді. Соңғы тур алдында үш шахматшы көш бастап тұр.
10-турда Бибісара Асаубаева мен Нана Дзагнидзеге демалыс берілді. Бұл турға жоспарланған төрт ойынның үшеуі тең есеппен аяқталып, бір матчта қытайлық Чжу Цзиньэр жеңімпаз атаны. Ол турнир кестесінде соңғы орында келе жатқан Вайшали Рамешбабуді 1:0 есебімен жеңді. Ал ресейліктер – Александра Горячкина мен Полина Шувалова, Екатерина Лагно (Ресей) – Харика Дронавалли (Үндістан) және Хампи Конеру (Үндістан) – Нино Бациашвили (Грузия) арасындағы бәсекелерде ½ – ½ есебі тіркелді.
8 матчта 5,5 ұпай жинаған Бибісара Асаубаева, Александра Горячкина және Чжу Цзиньэр соңғы тур алдында турнир кестесінде көш бастады. Ал кеше соңғы, шешуші турда Бибісара Асаубаева Екатерина Лагномен, Александра Горячкина Хампи Конерумен, Чжу Цзиньэр Нино Бациашвилимен шеберлік байқасты.