Кеше Әлемдік және дәстүрлі діндер көшбасшыларының съезі Хатшылығының ХІІІ отырысына және V съезге әзірлік жөнінде жұмыс бабындағы отырыс болды, деп хабарлады Қазақстан Республикасы Парламенті Сенатының баспасөз қызметі.
Қазақстан Республикасы Парламенті Сенатының Төрағасы, Әлемдік және дәстүрлі діндер көшбасшылары съезі Хатшылығының Басшысы Қасым-Жомарт Тоқаевтың төрағалық етуімен 2014 жылғы 14 қыркүйекте Астанада өтетін Әлемдік және дәстүрлі діндер көшбасшылары съезі Хатшылығының ХІІІ отырысына әзірлік жөніндегі жұмыс бабындағы кеңес болды.
Сенат Төрағасы Қазақстан Президенті Нұрсұлтан Назарбаев бастамашысы болып табылатын діни форумның ерекше маңызын атап өтті.
Хатшылық отырысы 2015 жылы Әлемдік және дәстүрлі діндер көшбасшыларының V съезін өткізудегі маңызды дайындық кезеңі болады. Осыған байланысты Қ.Тоқаев осы маңызды форумның тұжырымдамалық, идеологиялық және саяси мәселелері жөніндегі өз ойларын ортаға салып, тиісті тапсырмалар берді.