Гүлмира Сатыбалдыға айыптаушы тарап сегіз жылға бас бостандығынан айыруды сұраған, деп хабарлайды Egemen.kz.
«Гүлмира Сатыбалдыны 389-баптың 4-бөлігі, 28-бөлігі, 3-бөлігі және 125-баптың 2-бөлігінің 1,8-тармағында көзделген қылмыстық құқық бұзушылықты жасағаны үшін кінәлі деп тануыңызды сұраймын.
ҚК-нің 389-бабының 4-бөлігі бойынша – 6 жылға бас бостандығынан айыру, 28-бабының 3-бөлігі және 125-бабының 2-бөлігінің 1,8 тармағы бойынша – мүлкін тәркілеусіз – 8 жыл бас бостандығынан айыру тағайындалсын.
Қылмыстық кодекстің 58-бабының 3-бөлігі негізінде, жеңілірек жазаны неғұрлым қатаң жазаға сіңіріп, Сатыбалды мүлкін тәркілеусіз 8 жылға бас бостандығынан айырылды. Жазасын орташа қауіпсіздіктегі түзеу мекемесінде өтесін», деді прокурор Азамат Сәрсембаев.