Ташкентте өтіп жатқан бокстан әлем чемпионатында тағы бір боксшымыз сәтті өнер көрсетті. 80 келі салмақ дәрежесінде өткен жекпе-жекте қазақстандық Нұрбек Оралбай қарсыласынан басым түсті, деп хабарлайды Egemen.kz.
Бокстан әлем чемпионатының 1/8 финалы аясында қазақстандық боксшы Нұрбек Оралбай жекпе-жек өткізді. Ол ширек финалға шығу үшін түркиялық боксшы Каан Айкутсунмен жұдырықтасты. 80 келі салмақ дәрежесінде өткен жекпе-жекте қазақстандық спортшы жеңіске жетті.
Бүгін турнирде Қазақстанның тағы үш өкілі өнер көрсетеді: Махмұд Сабырхан (54 келі), Дулат Бекбауов (67 келі) және Нұрқанат Райыс (75 келі).