ҚАЖК және Алматы облысының ҚАЖ қызметкерлері ҰҚҚК басқармасымен бірігіп, тапанша мен оқ-дәрі жасырылған орынды анықтады, деп хабарлайды Egemen.kz.
Қарасай ауданының Қайрат ауылының аймағында матаға оралған 9 калибрлі, сериялық нөмірі өшірілген тапанша мен жеті оқ табылған.
Бұл факт Қарасай аудандық полиция бөлімінде тіркеліп, ҚР ҚК-нің 287-бабы бойынша қылмыстық іс қозғалды.
Сот баллистикалық сараптама тағайындалды.Айта кетсек, биыл Алматы облысы мен Жетісу облысының ҚАЖ қызметкерлері 20-дан астам қару мен екі мыңнан астам түрлі калибрлі оқ-дәріні анықтап, тәркіледі.