Бүгін танымал әнші Димаш Құдайберген 29 жасқа толды, деп хабарлайды Egemen.kz.
Бүгін АҚШ-тың Нью-Йорк қаласындағы Таймс-сквер алаңында үлкен экраннан Д.Құдайбергеннің фотолары көрсетілді.
«Сәлем, Таймс-сквер! Сәлем, әлем! Сәлем, 29 жас! Барлығыңызға осыншама үлкен құрмет үшін көп рахмет», деп жазды әнші Instagram-дағы парақшасында.
Таймс-скверде түсірілген видеодан Димаштың есімін атап айғайлаған жанкүйерлердің дауысын естуге болады.
Бұған дейін Димаш өзінің туған күнінде жаңа әнінің бейнебаянын жариялайтынын айтып, тыңдармандарын қуантқан болатын.