2023 жылдың бірінші тоқсанында Қазақстанда 732,8 млн литр алкогольсіз және минералды сусын өндірілді, бұл өткен жылдың сәйкес кезеңімен салыстырғанда 10,2%-ға артық, деп хабарлайды Egemen.kz Ұлттық статистика бюросына сілтеме жасап.
Бюро ұсынған деректерге сәйкес, аталған кезеңде өнім экспорты 23%-ға артты. Дәлірек айтқанда, 43,4 млн тонна минералды су мен алкогольсіз сусын шетелге жөнелтілді.
Бұл өнімдердің импорты да 15,3%-ға өскенін айта кеткен орынды. Жалпы 2023 жылдың бірінші тоқсанында ел аумағына 78,3 миллион тоннадан астам өнім әкелінген.