Қазақстан қор биржасы (KASE) 15:30-дағы жағдай бойынша доллардың орташа сараланған бағамы тағы 2,76 теңгеге төмендеп, 443,784 теңгені құрағанын хабарлады, деп жазады Egemen.kz.
Қытай юанінің орташа сараланған бағамы да төмендеп, 61,32 теңгені (-0,46) құрады.
Ұлттық банк еуро бағамын 486,91 теңге, рубльді 4,99 теңге деп белгіледі.
Ақша айырбастау орындарында доллар 445-448,5 теңге, еуро 483,5-488 теңге, ресей рублі 4,95-5,19 теңге аралығында сатылып жатыр.
Бұл ретте мұнайдың әлемдік бағасы аукционда әртүрлі бағытта өзгерді.Осылайша ICE Futures электрондық саудасында Brent маркалы қыркүйектегі фьючерстерінің құны 1,17%-ға арзандап, барреліне 75,36 долларды құрады.
NYMEX электронды саудасында WTI маркалы мұнайдың тамыз айындағы фьючерстері барреліне 0,90%-ға өсіп, 70,42 долларды құрады.