21-23 шілде күндері Малайзияның Малакка қаласында ұйымдастырылған пара каратэден Азия чемпионатында жерлестеріміз сәтті өнер көрсетіп, төрт медаль олжалады.
Пара спортшылар арасындағы сары құрлық додасына Азияның 6 мемлекетінен келген 50 спортшы қатысты. Азия біріншілігіне Қазақстан құрамасының бес спортшы қатысып, нәтижесінде 2 алтын және 2 күміс медаль жеңіп алды.
Атап айтар болсақ, әйелдер арасындағы бәсекеде Ләззат Жүсіпова мен Хазгүл Измағамбетовалар өз салмақ дәрежелерінде үздік шығып, алтыннан алқа тақса, ерлер жарысында бақ сынаған Дидар Мұхамеджанов пен әйелдер арасында өнер көрсеткен Нұржайна Жаннетова финалдық сайыста қарсыластарына есе жіберіп, Азия чемпионатының күміс жүлдесін иеленді.