Алматыда құрылыс заттарын сататын дүкен отқа оранды. Өрт сөндірушілер қызыл жалынды 20 минуттың ішінде сөндірді, деп хабарлайды Egemen.kz.
Алматы қалалық Төтенше жағдайлар департаментінің мәліметінше, бүгін 16:16 шамасында өрт сөндіру бригадасы Түрксіб ауданы «Қайрат» ықшам ауданы, Түркістан көшесі 27, мекенжайына жоғары ранг бойынша шықты.
«Оқиға орнына 6 минутта келген өрт сөндірушілер құрылыс материалдарын сататын дүкен аумағының 150 шаршы метр жері ашық жалынмен жанып жатқанын анықтады. Қабылданған шаралармен 16:33-те өртті ауыздықтауға қол жеткізіліп, 16:42-де жойылды», деп хабарлады департаменттен.
Қазіргі уақытта, үйінділерді бөлшектеу, тұтанып тұрған құрылымдарға су төгу жұмыстары жүргізілуде.
Атқарылған шаралармен тауарлық-материалдық құндылықтары бар көрші сауда нүктелеріне оттың таралуына жол берілмеді.