Астанада қалалық мәслихат депутаттары мен Байқоңыр ауданы әкімінің қатысуымен «Мектепке жол» акциясы басталды. Қаланың сауда үйлерінің жанында орналасқан арнайы жәшіктерге әлеуметтік аз қамтылған отбасылардан шыққан балаларға арналған мектеп рюкзактары салынды, деп хабарлайды Egemen.kz елорда әкімдігінің ресми сайтына сілтеме жасап.
Елорданың мәслихат төрағасы Ерлан Каналимов өткен жылы аталған акция аясында кәсіпорын басшылары, кәсіпкерлер, депутаттар, қоғам белсенділері қатысқанын айтты.
«Өткен жылы осы акция бойынша 8000-нан астам бала қамтылды, биыл бұл көрсеткішті 8500 оқушыға жеткізуді жоспарлап отырмыз. Өткен жылы жиналған сома 546 млн теңгені құрады, биыл бұл сома бірнеше есе көп болады деп күтіліп отыр. Бұдан басқа, жалпыға бірдей оқыту аясында әлеуметтік аз қамтылған отбасылардан шыққан балаларға мектепке қажетті заттар алу үшін қосымша төлемдер беріледі. Өткен жылы бұл сома 40 000 теңгені құрап, 13 500 балаға тапсырылды. Ал биыл бұл сома 41 000 теңгені және 14 500 баланы құрайды. Балаларды мектепке дайындау үшін мемлекет барлығы 590 млн теңге бөлді. Елорда кәсіпкерлерін, ірі кәсіпорындардың басшыларын және депутаттарды осы іс-шараға бей-жай қарамауға және қатысуға шақырамын», деді қалалық мәслихат төрағасы.
Акцияға Байқоңыр ауданы әкімінің орынбасары Шұғыла Құдайберген де қатысты.
«Біздің ауданда жәшіктер үш орынға қойылды. Олар «Аймақтау», «Жаннұр», «Тұлпар» сауда орталықтарының жанында орналасқан. Бұл қораптарға қала тұрғындары қалам, дәптер секілді кез келген оқу құралын салып кете алады. Өткен жылы белсенді азаматтар мектеп киімдерін және оқуға қажетті нәрсенің бәрін әкелді. Бүгін қалалық мәслихат төрағасы Ерлан Каналимов пен аудан әкімі Ерлан Жаулыбаев бастаған қалалық мәслихат депутаттары акцияны бастады. Әр кеш сайын бокстарды ашып, ішінде жиналған заттарды әлеуметтік қызметкерлер мен мектептер арқылы ауданымыздағы 1000-нан астам әлеуметтік осал отбасылардың балаға береміз», деді әкімнің орынбасары.