Өрт 8 тамыз күні сағат 02:25 шамасында «Көкшетау нан зауыты» ЖШС аумағындағы қоймадан шыққан. Қаза болғандар мен зардап шеккендер тіркелген жоқ, деп хабарлайды Egemen.kz.
Алау 50 шаршы метр аумақты шарпыған. Өрт сөндірушілердің жедел қимылдарының нәтижесінде өрттің таралуына жол берілмеген.
«Сағат 03:00-де өрт ауыздықталып, 04:53-те толық сөндірілді. Өрттің шығу себептері анықталып жатыр. Тілсіз жауды ауыздықтауға ТЖД жеке құрамынан 42 адам мен 13 өрт сөндіру техникасы тартылды», делінген облыстық ТЖД баспасөз қызметі таратқан хабарламада.