Қазақстандық дзюдошы Бақытжан Әбдірахманов Хорватияның астанасы Загреб қаласында өтіп жатқан Гран-приде қола медаль жеңіп алды, деп хабарлайды Egemen.kz.
Бақытжан Әбдірахманов 73 келіге дейінгі салмақ дәрежесінде белдесті. Жұбаныш финалында ол тәжірибелі дзюдошы, косоволық Акил Киякованы вазари ұпайымен ұтты. Нәтижесінде ел құрамасы қоржынына қола жүлде түсті.
Қазақстандық балуан жарыс барысында бес кездесу өткізіп, оның төртеуін жеңіспен аяқтады. Іріктеу кезеңінде Венгрия, Франция, жұбаныш белдесуінде Түркия спортшыларын қапы қалдырды.