86 жылдық тарихы бар іргелі оқу орны Ө.Жәнібеков атындағы Оңтүстік Қазақстан педагогикалық университеті – осы күндері Гази және Анкара университеттерінің стратегиялық серіктесі. Тамыры мен түбі бір екі ел арасында орнаған байланысты дамыту мақсатында оқу орны базасында 1 қыркүйек күні түрік тілі орталығы ашылды. Бұл туралы Ғылым және жоғары білім министрлігінің баспасөз қызметі мәлім етті, деп хабарлайды Egemen.kz.
Орталық TİKA ұйымының қолдауымен заманауи үлгіде жабдықталған.
Салтанатты ашылу рәсіміне Түркі әлемінің нағыз жанашырлары – Түркия Республикасы Түрік ынтымақтастық және үйлестіру агенттігінің Қазақстан координаторы Хусейн Хикмет Өзденоулу, Қожа Ахмет Ясауи атындағы ХҚТУ Өкілетті Кеңес төрағасы, профессор Мухиттин Шимшек, Түркия Республикасының Шымкент қаласындағы Құрметті Консулдығының Консулы Латипша Асанов сынды құрметті қонақтар мен ЖОО ректоры Гүлжан Сүгірбаева бастаған ұжым мүшелері қатысты.