Биылғы 7 айда Ақтау теңіз сауда порты арқылы 2,6 млн тоннадан астам құрғақ және мұнай құйылған жүктер ауыстырылып тиелді. Бұл өткен жылдың сәйкес кезеңі деңгейінен 24% жоғары.
Порт 142 мың тонна астық, 114 мың тонна металл, 13 мыңнан астам контейнерді өңдеген. Ақтау порты арқылы Баку-Тбилиси-Жейхан бағытына отандық мұнай экспортын қайта бағдарлау есебінен 2022 жылғы көрсеткішке мұнайды ауыстырып тиеу 2,1 млн тоннаға дейін, яғни 58%-ға өскен. Ақтау порты арқылы түсті металдар экспортының өсуіне байланысты металл тасымалы 87%-ға ұлғайыпты.