Бүгін еліміздің басым бөлігінде жауын-шашынсыз ауа райы күтіледі. Тек республиканың шығысында және таулы аймақтарда жауын-шашын (жаңбыр, көктайғақ) сақталады, деп хабарлайды Egemen.kz.
«Қазгидрометтің» хабарлауынша, республика бойынша түнде және таңертең тұман түседі, оңтүстік пен шығыста екпінді жел соғады.
Шығыс Қазақстан облысының шығысында, Қарағанды облысының солтүстігінде және шығысында түнде 1-3 градус суық, түнде Ақмола облысының шығысында топырақ бетіне 1 градус аяз түседі.
Қызылорданың орталығында, шығысында және оңтүстігінде өте жоғары өрт қаупі сақталады.
Жамбыл облысында, Қарағанды облысының оңтүстігінде, Ұлытау облысында, Түркістан облыстарының шөлді аймақтарында жоғары өрт қаупі бар.