Қытайдың Ханчжоу қаласында өтіп жатқан жазғы Азия ойындарында Кирилл Тубаев пен Тимофей Емельянов қола жүлдегер атанды, деп хабарлайды Egemen.kz.
1000 метрге байдаркада есуден жекелей сайыста Кириллдің қарымы Азия ойындарының чемпионы атанған Қытай спортшысы Донг Жанг пен күміс медальға ие болған өзбекстандық Шахриер Махкамовқа жетпеді.
Ал каноэдан 1000 метрге финалдық сайыста қола жүлде алған Тимофей тоғыз жыл бұрынғы жетістігін қайталай алмады. Ол 2014 жылы Оңтүстік Корея елі өткізген жазғы Азия ойындарында чемпион атанған болатын.