Футболдан Қазақстан жастар құрамасы қазан айында Еуро-2025 іріктеу ойындарының топтық кезеңінде кезекті ойын өткізеді.
Аға бапкері Қайрат Нұрдәулетов шәкірттері 17 қазан күні 2025 жылғы Еуропа чемпионатына іріктеу кезеңі аясында Испания жастар құрамасымен ойнайды. Кездесу «Астана Арена» стадионында өтеді деп жоспарланған. Ойын Астана уақытымен 19.30-да басталады. Билеттер жуырда ticketon.kz сайтында сатылымға шығады. Еске сала кетейік, Қазақстан құрамасы Испания, Бельгия, Шотландия, Мажарстан және Мальта құрамаларымен бірге «В» тобына түсті.
Қыркүйек айында жерлестеріміз екі матч өткізіп, екеуінде де жеңіліп қалды. Алғаш сырт алаңда Бельгия жастарынан 1:0 есебімен жол берсе, араға үш күн салып Будапештте Мажарстаннан 2:1 есебімен жеңілді.