Елена Рыбакина Қытайдың бас шаһары – Бейжіңде өтіп жатқан теннистен әйелдер арасындағы WTA 1000 турнирінің ширек финалына жолдама алды.
Жарыстың үшінші кезеңінде отандасымыз 16 жастағы ресейлік Мирра Андреевамен шеберлік байқасып, үш сетке жалғасқан тартысты матчта жеңіске жетті. Әлемдік рейтингте 60-орында тұрған Андреева бірінші партияда Рыбакинаны біраз әуреге салды. Матч бастала сала брейк жасаған Мирра жетінші геймде де Рыбакинадан ұпай алып, бірінші сетті 6:2 есебімен өз пайдасына жазды. Екінші партияны да ресейлік теннисші белсенді бастап, алтыншы геймнен кейін 4:2 есебімен алға шығып алды. Бірақ кейінгі төрт геймде Елена жинақы ойнап, матч соңында екі брейкпен жеңіске жетті – 6:1. Ал үшінші шешуші сетте Елена ә дегеннен 5:0 есебімен алға шығып, үшінші матчболын эйспен тәмамдады – 6:1. Енді Елена Рыбакина жартылай финалға шығу үшін әлемнің бірінші ракеткасы, Беларусь өкілі Арина Соболенко мен италиялық Ясмин Паолини жұбының жеңімпазымен ойнайды.
Сондай-ақ Шанхайдағы турнирге қатысып жатқан Михаил Кукушкин алғашқы айналымда әлемнің 81-ракеткасы Александр Мюллерден басым түсіп, екінші кезеңге шықты. Ал Денис Евсеев бірінші айналымнан әріге аса алмады.