Бүгін 15 қазанда таңертеңгі уақытта Розенбергте (АҚШ, Техас штаты) орта салмақтағы WBO тұжырымы бойынша әлем чемпионы Жәнібек Әлімханұлы (14-0, 9 КО) мен IBF белбеуінің иегері неміс Винченцо Гуальтиери (21-0-1, 7 КО) арасында жекпе-жек өтіп, Қазақстан боксшысы жеңіске жетті, деп жазады Egemen.kz.
Он екі раундқа есептелген айқастың тең жартысы тұсына келгенде Ж.Әлімханұлы қарсыласын нокаутқа жіберді. В.Гуальтеридің шарасыз қалпын көріп, төреші жекпе-жекті тоқтатты.
Осылайша, Қазақстан боксшысы орта салмақта екі чемпиондық белбеуге қол жеткізді.