Ақын, Мемлекеттік сыйлықтың иегері Серік Ақсұңқарұлы әлеуметтік желідегі парақшасында «Адамзат-нама» атты поэма-хамсаны тәмамдағанын (1977–2023 жж) жазды. Осы орайда ақынның өзіне хабарласып, аз-кем тілдестік.
«Хамса деген 5 поэмадан тұрады, соңғы тұсын бүгін аяқтадым. 46 жыл жаздым. Көлемі - 5 баспа табақ. Кітап болып қашан шығатыны белгісіз, Құдай біледі. Ұзақ жылдар бойы жазған осы «Адамзат-нама» поэма-хамсам Адам ата мен Хауа ана жаралғаннан бастап, жалпы бүкіл адамзат проблемалары туралы жазылған, оның ішінде ең бірінші орында Алаш тұр», деді ақын Серік Ақсұңқарұлы.