17 қазанда еліміздің басым бөлігінде күн райы ашық болады, деп хабарлайды Egemen.kz «Қазгидромет» РМК-ға сілтеме жасап.
Синоптиктердің мәліметінше, тек республиканың батыс облыстарында фронтальды бөліктердің өтуіне байланысты жаңбыр жауады. Республиканың батысында, оңтүстігінде, оңтүстік-шығысында жел күшейеді.
Таңертең республика бойынша тұман күтіледі. Орталықта, Жетісу облысының таулы аймақтарында 1-3 градус аяз болады.