«Қайрат» футзал клубы Чемпиондар лигасының негізгі сатысында сынға түсіп, элиталық кезеңге жолдама алды.
«Қайрат» элиталық кезеңге жолдама алу үшін Испанияның «Пальма», Мажарстанның «Халадаш» және Люксембургтің «Дифферданж» командаларымен бірге үшінші топта сынға түсті.
«Қайрат» алдымен «Дифферданж» клубынан 4:2 есебімен басым түссе, «Халадаш» командасымен 2:2 есебімен тең ойнады. Ал үшінші ойында «Пальмадан» 4:5 есебімен жеңілді. Аталаған топтан «Пальма», «Қайрат», «Халадаш» элиталы сатыға жолдама алды. Элиталық ойындар 28 қараша мен 3 желтоқсан аралығында өтеді.