Сақ болыңыз: Мал ұрлығы «маусымы» басталды

Жуырда Түркістан облы­сында мал ұрлауды кәсіп қыл­ған­ екі азамат ұсталды. Келес аудан­дық полиция бөлі­міне 6 ауыл тұрғыны арыз қалдырған. Олардың айтуынша, белгісіз біреулер олардың ірі қара малдарын қолды еткен. Жоғалған малдарын тұрғындар өз күштерімен іздегенімен, нәти­же болмаған соң полицияға шағымданған.

Жедел-іздестіру шарала­ры­­ның нәтижесінде поли­ция­­ қызметкерлері мал ұрлы­ғын­ жасағандардың ізіне шы­ғып, екі күдікті ер азаматты­ ұста­ды. Олар жұмыссыз жүр­ген жас­ жігіттер болып шық­ты. Айып­та­лушылар жәбір­ле­нушілерге 2,5 миллион теңге көлемінде шы­ғын келтірген. Полиция қыз­меткерлері аталған фактіні Қыл­мыстық кодекстің 188-1-ба­бы (Мал ұрлығы) бойынша тір­кеді.

Анықталғандай, ұрылар жер­­гілікті тұрғындардың жайы­­­­­­лымдарда қараусыз қал­ған және қорада тұрған төрт түлі­гін жымқырып, жүк көлі­гі­м­ен артып әкеткен. Содан соң ұрланған малды арзан баға­мен сатып, түскен ақшаны өзара бөліп алған. Қазіргі таңда күдік­тілер қамауға алынып, олар­ға қатысты сотқа дейінгі тер­геу амалдары жүргізіліп жатыр.

Жалпы, жыл басынан бері елімізде 42 мал жоғалу дерегі тіркелді. Дегенмен олардың жарты­сынан көбінде ұрлықтың орын алмауына байланысты қыл­мыстық істер тоқтатылған. Бар­лық факт бойынша іздеу жұ­мыстары жүргізіліп, мал жоға­луының басты себебі – ие­ле­рінің оны қараусыз қалдыруы екені анықталды.

Сондай оқиғаның бірі жуыр­да Ақтөбе облысында тіркел­ді. Қарғалы ауданының полиция бөліміне 76 жастағы ауыл тұрғыны шағымданып, 130 бас жылқысының жоғал­ғаны туралы арыз берген. Залал­дың жалпы сомасы – 65 млн теңге. Жәбірленушінің арызы тіркеліп, Қылмыстық ко­дек­­с­­тің 188-бабының 4-бөлігі (Ұр­лық) бойынша­ қыл­мыс­тық іс қозғалды. Жоғалған жыл­қыларды іздеу үшін полиция қызметкерлері жедел шара­лар қабылдады. Ауа райы­ның қолайсыздығына қара­мас­тан, тәртіп сақшылары Қар­ғалы ауданында ғана емес, облыстың көрші ауданда­рын­да да іздестіру шарала­рын жүзеге асырды. Үш күн­нен кейін жоғалған мал шаруа­шы­лықтан 60 шақырым жерден табылып, ұрлықтың орын алмағаны анықталды. Осы­ған байланысты тергеу тоқтатылды. Дегенмен мұн­дай­ жағдайлар, біріншіден, тәр­тіп сақшыларының қымбат уа­қытын алатындықтан, екін­ші­ден, оған қаншама шығын кете­тін­діктен, полиция қыз­­мет­керлері халыққа өз малда­ры­на мұқият қарау керектігін ес­кертті.