Португалияның Албуфейра қаласында 70 елден 573 спортшы қатысуымен кикбоксингтен ересектер арасында өткен әлем чемпионатында фулл-контакт, лоу-кик, К1, кик-лайт аталатын төрт бөлім бойынша Қазақстан құрамасы жалпы есепте 5 алтын, 5 күміс, 12 қола медаль жеңіп алды, деп жазады Egemen.kz.
Жеңімпаздар мен жүлдегерлер тізімін Спортты дамыту дирекциясының баспасөз қызметі мәлім қылды.
Фулл-контакт:
Алтын – Марғұлан Айдарұлы (75 кг) Күміс – Данияр Жарасов (54 кг), Аслан Асылбеков (57 кг), Мақсат Үсіп (71 кг), Тимур Ғанза (81 кг) Қола – Дінмұхамед Баймұратов (51 кг), Батырхан Қуандықов (67 кг).
Лоу-кик:
Алтын – Диас Карманов (57 кг) Күміс – Алихан Оздоев (67 кг) Қола – Алина Төлегенова (52 кг), Бейбарыс Сауханбек (60 кг), Шара Хамзина (65 кг).
К1:
Алтын – Нұрсұлтан Жұмабаев (51 кг), Арсен Сойырқас (54 кг), Нұрдаулет Қалшора (57 кг) Қола – Шыңғысхан Тілемісов (63,5 кг), Берік Қалықов (71 кг), Руслан Степанов (81 кг), Гүлбану Саматова (70 кг), Салават Рахимзанов (91 кг).
Кик-лайт:
Қола – Мереке Жүнісова (+70 кг), Фазлиддин Сафаров (+91 кг).