Қарағандыдан шыққан жас ғалымдар паркинсон ауруына шипа болатын дәрі-дәрмек жасап шығарды.
Жанат Көшенов көшін бастаған бұл топ өздері ойлап тапқан дәрілік заттарды зерттеп, жетілдіру үстінде жүр. Ел ғылымына ерекше серпін берген жас ғалымдар шетелден білім алып келген. Шетелдік ғылыми және өндірістік орталықтарда зерттеу-өңдеу жұмыстарын меңгерген.
– Бұл жақта жаңадан табылған өсімдік препараттарын қазір ми ауруларына, паркинсон, альцгеймер ауруларына қарсы тексеріп жатырмыз. Табиғи таза дәрілер өндіреміз. Жалпы, шетелде алған білімімізді пайдаланып, отандық фармацевтиканы дамытуға үлес қоссақ дейміз, – дейді халықаралық ғылыми-өндірістік кешеннің ғылыми қызметкері Жанат Көшенов.
Бұл ерекше препараттарға қажетті биологиялық шикізат негізінен өсімдіктерден алынады. PhD Әсел Аманжан ғылыми орталықта 8 жылдан бері жұмыс істеп келеді. Ол елімізде өсетін өсімдіктер арасынан табиғи шикізат көздерін зерттеп, биологиялық белсенді қосылыстарды бөліп алу жұмысында тың жетістіктерге жеткен білікті маман. Қазір ол өндіруге қажетті субстансалардың жаңа түрлерін сынақтан өткізу мақсатында шетелдің ғылыми зерттеу институттарымен үнемі байланысқа шығып отырады.
– 2023 жылы Мәскеу қаласында Сидженов атындағы медицина университетінің институт формациясында профессор Краснюктің қол астында табиғи қосылыстардан суда ерігіштік комплекстер алынды. Бізде субстанса ретінде қолданылады. Осыған байланысты осы айда Новосібір институтына іссапар болады, – деді халықаралық ғылыми-өндірістік кешеннің зертхана меңгерушісі Әсел Аманжан.
Әлем шипа таба алмаған паркинсон дертіне дауа болар препаратты ойлап тапқан отандық ғалымдар үлкен зерттеуден кейін, оны өндіріске енгізеді.