Ақмола облысына қарасты Щучье қаласында биатлоннан жастар және жасөспірімдер арасында қысқы Азия чемпионаты өтеді. Қазақстан биатлоншылар одағының баспасөз қызметінің мәлімдеуінше, құрлықтық додаға Азияның 7 елінен келетін 100-ден астам жас спортшы қатысады, деп хабарлайды Egemen.kz.
Азия чемпионаты наурыздың 10-20 күндері аралығында Щучье қаласындағы қысқы спорт түрлері бойынша олимпиадалық даярлау орталығы базасында өтеді. Қатысушылар 3 сайыс бойынша сынға түседі. Олардың қатарында Қытай Тайпейі, Жапония, Оңтүстік Корея, Моңғолия, Қырғызстан, Таиланд, Қазақстан бар.
Жарыс Азия биатлон федерациясының қолдауымен өтеді.
Жарыс бағдарламасы:
12 наурыз – Жеке жарыс (жасөспірім ұлдар, жасөспірім қыздар) 13 наурыз – Жеке жарыс (жеткіншек ұлдар, жеткіншек қыздар) 14 наурыз – Спринт (жеткіншек ұлдар, жеткіншек қыздар) 15 наурыз – Спринт (жасөспірім ұлдар, жасөспірім қыздар) 16 наурыз – Із кесу (жеткіншек ұлдар, жеткіншек қыздар) 17 наурыз – Із кесу (жасөспірім ұлдар, жасөспірім қыздар)