«ҚазАвтоЖол» мәлім еткендей бүгін сағат 12.30-дағы ахуал бойынша ауа райының қолайсыздығына байланысты 2 облыс аумағындағы республикалық маңызы бар автожолдардың 2 учаскесінде көліктің барлық түрлері үшін жол қозғалысына шектеу енгізілді, деп хабарлайды Egemen.kz.
Жамбыл облысында – 1 учаске: «Алматы-Ташкент-Термез» 534-593 км, Айша Бибі – Түркістан облысы шекарасына дейін – 59 км.
Түркістан облысында – 1 учаске: «Алматы-Ташкент-Термез» 593-652 км, Түркістан облысы шекарасынан – Машат – 59 км.
Осы сағатта республикалық маңызы бар автожолдарды қысқы күтіп-ұстауға 699 бірлік техника және 1419 жолшы жұмылдырылған.