«DigitalAlmaty 2024» форумында Цифрлық даму, инновациялар және аэроғарыш өнеркәсібі министрі Бағдат Мусин ШЫҰ елдері технопарктерінің бірлескен альянсын құруды ұсынды, деп жазады Egemen.kz.
Оның айтуынша, альянстың негізгі мақсаты – стартап жобаларымен және технопарктердің тәжірибесімен алмасу, стартаптар нарығына шығуға көмек көрсету, ортақ венчурлық қор құру, бірлескен инкубация және акселерация бағдарламалары бойынша оқыту, 24 бизнесмен үшін тегін жұмыс кеңістігін қамтамасыз ету, ШЫҰ елдерінің технопарктерінде қол жеткізу, масштабтау шешімдері, гранттар мен қолдау шаралары да қарастырылған.
Ол ШЫҰ елдерінің стартаптар арасындағы ынтымақтастықтың әлеуеті зор екенін атап өтті.
Екінші ұсыныс – аймақтық DATA хабтарын құру, яғни бірлескен деректерді сақтау деректер базасын әзірлеу бойынша күш-жігерді біріктіру.
«Сонымен қатар біз ақпарат беруді жақсартатын арналарды дамытуға ниеттіміз. Жақында өткен кездесуде Қасым-Жомарт Тоқаев жоғары деңгейде Ресейден Иранға Қазақстан мен Каспий теңізі арқылы талшықты-оптикалық байланыс желісін тарту туралы ұсыныс жасады. Біз Ресейдегі әріптестерімізбен сөйлестік, бүгін Президенттің осы идеясын жүзеге асыру мақсатында Ираннан келген әріптестермен сөйлесеміз», деді Бағдат Мусин.
Сондай-ақ ол ШЫҰ елдерінің қатысуымен спутниктерді құрудан бастап цифрлық платформаларды енгізуге дейінгі бірлескен жобаларды енгізуді ұсынды.
Айта кетейік, Қазақстанда ШЫҰ цифрлық форумын өткізу бастамасы Қасым-Жомарт Тоқаевтың 2023 жылғы 4 шілдедегі ШЫҰ онлайн саммитінде көтерілген еді. Ол цифрлық теңсіздікті жүйелі түрде қысқарту ШЫҰ қызметіндегі нақты басымдыққа айналуы тиіс екенін атап өтті.