Бүгін Алматы қаласы, Медеу ауданы Тау-Самалы шағынауданыдағы 2 үйді лай көшкіні басты. Оқиға салдарынан 1 отбасының 4 мүшесі көз жұмды. «Қазселденқорғау» мекемесі техногендік сипаттағы төтенше жағдайдың себебін түсіндірді, деп жазады Egemen.kz.
«8 ақпан түнгі сағат 02:20-да тау баурайының орта бөлігіне тартылған суық су құбырының жарылуы салдарынан топырақ ылғалданған. Кейін Алматы қаласы, Медеу ауданындағы Олимпийская көшесінде орналасқан «Тау-Самалы» ықшамауданындағы №3А және №3 жеке тұрғын үйлерді лай көшкіні басып қалды», делінген «Қазселденқорғау ММ хабарламасында.