Ведомство өкілінің мәліметінше, соңғы жылдары әскерге барудан жалтарғандардың көрсеткіші төмендеген, деп хабарлайды Egemen.kz.
Қазақстан Қарулы Күштері Бас штабы Ұйымдастыру-жұмылдыру жұмыстары департаменті бастығының орынбасары Азамат Досымовтың айтуынша, соңғы екі жылда жас жігіттердің белсенділігі жоғары.
«Мерзімді қызметтегі әскери қызметшілер бойынша: екі-үш жыл бұрын әскерден жалтарушылар саны шамамен 35-40 мың адамды құрады. 2023 жылғы әскерге шақыру қорытындысы бойынша - 20 мыңға жуық адам. Осы екі жыл ішінде бірнеше есе қысқарды», дейді Қорғаныс министрлігінің өкілі.