Төтенше жағдайлар министрі Шыңғыс Әрінов Алматыдағы жер сілкінісіне байланысты ведомствоның атқарып жатқан жұмыстарын Президентке баяндады, деп жазады Egemen.kz.
«Мемлекет басшысының тапсырмаларына негізделген іс-қимылдар алгоритмі өз деңгейінде орындалды. Қазір қаладағы жағдай қалыпты, барлық тиісті мекемелер бекітілген жоспарға сәйкес жұмыс істеп жатыр», деді Шыңғыс Әрінов. Қасым-Жомарт Тоқаев жауапты министрлікке тұрғындардың амандығын қамтамасыз етіп, Алматыдағы жағдайды бақылауда ұстауды тапсырды.
Президент қала әкімі Ерболат Досаевқа да жауапты мекемелермен тығыз қарым-қатынаста жұмыс істеуді жүктеді.