Сыбайлас жемқорлыққа қарсы іс-қимыл агенттігі Қайрат Сатыбалдының ісін тергеу аясында мемлекетке 732,8 млрд теңге қайтарылғанын хабарлады, деп жазады Egemen.kz.
Бұл ақпаратты Антикордың ресми өкілі Арман Тілеукенов растады. Оның айтуынша, 2022 жылдан бері мемлекетке жалпы 1 триллион теңгеден астам қаржы қайтарылды.
«Оның ішінде 732,8 млрд теңге Қайрат Сатыбалдыға қатысты іс аясында қайтарылды. Ол түрмеде отырған кезде қонақүй сатып алды деген ақпаратты егжей-тегжейлі зерттеп, істің мән-жайын нақтылау керек», деді Арман Тілеукенов.