Бүгін Астана қаласы Байқоңыр ауданында жеке тұрған бір қабатты қойма өртенді, деп хабарлайды Egemen.kz Төтенше жағдайлар министрлігінің баспасөз қызметіне сілтеме жасап.
ТЖМ мәліметінше, өрт сөндірушілер оқиға орнына сағат 07.20-да аттанған. Олар жеткен уақытта бір қабатты қойма толығымен өртке оранып жатты. Өрттің алдын ала аумағы 1000 шаршы метрді құрайды.
«Өрт кезінде ғимараттың алдыңғы қабырғасы мен шатыры құлады. Оқиға орнында үш жауынгерлік учаске құрылды. Өрт сөндіру жұмыстарына жеке құрамның 70-ке жуық адамы, 15 техника жұмылдырылды», делінген хабарламада.