Алматыда жауын-шашын салдарынан «Нұр Алатау» шағын ауданында жол опырылып түсті, деп жазады Egemen.kz.
«Толассыз жауған жаңбыр салдарынан 22 наурызда «Нұр Алатау» шағын ауданында орналасқан Қ.Салықов көшесі бойының бір бөлігі опырылып түсті. Мердігер компания қажетті жұмыстарды жүргізіп жатыр. 2014 жылы қалаға қосылған «Нұр-Алатау» шағын ауданындағы Қ.Салықов көшесінің бойында арық жүйесі жоқ болатын. Су тасқынының алдын алу мақсатында аудан әкімдігінің тапсырысы бойынша қаланың орталық бөлігіндегі арық желілері мен нөсер кәріздерін салу және қайта жаңарту жобасына жоғарыда аталған көше қосылды», деп жазды Алматы қалалық әкімдігінің баспасөз қызметі.
«АлматыДорСтрой Компани» ЖШС мердігерлік ұйымы 2023 жылы Қ.Салықов көшесінің бойында ұзындығы 1 350 метр су бұру арық жүйесін салу жұмыстарын бастаған еді. Компания жоспарлы жұмысты осы жылдың сәуір айында аяқтайды.