Түркістан облысының полицейлері Келес ауданы аумағында рейд жүргізу барысында моторлы қайық тіркеген ВАЗ автокөлігін тоқтатқан, деп хабарлайды Egemen.kz Polisia.kz-ке сілтеме жасап.
Тексеру барысында учаскелік инспекторлар қайық, мотор, ау, тағы басқа жабдықтарды және 100-ден астам балықты тәркіледі. Анықталғандай, 45 жастағы ер адам Сырдария өзенінде заңсыз балық аулаған.
Аталған факті бойынша тергеу амалдары жүргізіліп, мән-жай анықталып жатыр.