Стамбулда еркін күрестен өтетін соңғы лицензиялық турнирге қатысатын Қазақстан балуандары анықталды, деп хабарлайды Egemen.kz.
Мәліметтерге сүйенсек, соңғы турнирде еркін күрес бойынша белдесетін балуандар саны үшеу:
57 келі салмақта - Рахат Қалжан; 65 келі салмақта - Адлан Асқаров; 74 келі салмақта - Талғат Сырбаз.Күрес түрлерінен соңғы лицензиялық жарыс 8 мамырда басталады.
Еске сала кетсек, еркін күрестен Бішкекте өткен лицензиялық турнирде Әлішер Ерғали мен Юсуп Батырмұрзаев, сондай-ақ Сербияда өткен әлем чемпионатында Азамат Дәулетбеков Париж Олимпиадасының жолдамаларын қаңжығаларына байлаған еді.