Астана қаласының қылмыстық істер жөніндегі мамандандырылған ауданаралық сотында Б.Байжановқа қатысты сот үкімі шықты, деп хабарлайды Egemen.kz.
Бақытжан Байжановқа қылмыстық кодекстің 432-бабы бойынша айып тағылған еді.
Б.Байжанов 09.11.2023 жылы Қ.Бишімбаев жасаған аса ауыр қылмысты уәдесіз жасыру бойынша кінәлі деп танылды(Қылмыстық кодекстің 432-бабы).
Прокурор Бишімбаевты 24 жылға, Байжановты 4 жылға бас бостандығынан айыруды сұрады.
Бүгін, 13 мамыр күні Бақытжан Байжановқа қатысты сот үкімі жарияланды.
Сот шешімімен Б.Байжанов 4 жылға бас бостандығынан айырылды. Сот Қылмыстық кодекстің 53-бабына сәйкес сотталушылар Бишімбаев пен Байжанов үшін кәмелетке толмаған балалардың болуын жеңілдететін мән-жайлар деп таныды.
Ол жазасын қауіптілігі орташа түзету мекемесінде өтейді.
«Сотталушылардың кінәсі жәбірленушінің, куәлардың айғақтарымен, аудио-бейнематериалдармен, сараптамалық қорытындылармен және қылмыстық істің басқа материалдарымен дәлелденді», делінген Жоғарғы сот хабарламасында.
Соттың үкімі заңды күшіне енген жоқ.