Бүгін Таиландта лицензиялық турнирдің төртінші күні өтіп жатыр. Рингкке Валентина Хальзова көтерілді, деп жазады Egemen.kz.
75 кг салмақ дәрежесінде жұдырықтасатын жерлесіміз Валентина Хальзова алғашқы айналымда украина боксшысымен кездесті.
Қазақстан спортшысы Махно Каролинадан басым түсті. 3 раундты да өз пайдасына шешкен Валентина Хальзова төрешілердің бірауыздан шешімімен жеңіске жетті.
Естеріңізге салайық, бүгін түске дейін шаршы алаңға шыққан Римма Волосенко (60 кг) да бірінші кездесуде германиялық боксшыдан айласын асырды.