Премьер-министр Олжас Бектенов 2024 жылғы 10 маусымдағы «Қазақстан Республикасы Үкіметінің жанындағы Экономикалық өсімді қамтамасыз ету жөніндегі жедел штабты құру туралы» өкімге қол қойды, деп хабарлайды Egemen.kz.
Жедел штаб құрамына:
ҚР Премьер-министрінің орынбасары – Ұлттық экономика министрі, басшы; ҚР Ұлттық экономика вице-министрі, хатшы; ҚР Қаржы министрі; ҚР Энергетика министрі; ҚР Көлік министрі; ҚР Ауыл шаруашылығы министрі; ҚР Өнеркәсіп және құрылыс министрі; «Самұрық-Қазына» Халықтық әл-ауқат қоры» АҚ Басқарма төрағасы (келісім бойынша); «Бәйтерек» Ұлттық басқарушы холдингі» АҚ Басқарма төрағасы (келісім бойынша) кіреді.Штаб отырысы күн сайын өткізіліп, одан кейін Премьер-министр Олжас Бектеновке есеп беріледі.
Бұйрық 2024 жылдың 10 маусымында күшіне енді.
Қырмызы ЖҰМАҒАЛИҚЫЗЫ,
ЕҰУ студенті