«Бізге өзге ғаламшарлықтар келіпті!» дейтін сөзді сіз Италияның Перудже қаласына барғанда айта аласыз.
Себебі мұндағы алып кітапхананың ерекшелігі өзге ғаламшарлықтардың көлігіне сәйкестендіріліп жасалған. Италия ақыны Сандро Пенна атындағы кітапхана 2004 жылдың мамыр айында ашылған еді. Римнен 200 шақырым жерде орналасқан бұл ғимарат Италияға таныс ежелгі және ортағасырлық сәулет өнерінен айқын ерекшеленеді. Сәулетші Итало Ротаның бұл жобасы бүгінде қаншама кітапқұмар мен талай туристің сүйікті орнына айналған.